nepal life

चीनय् १ लख न्यय् गुद्वःम्हेसित भ्रष्टाचारया कारवाही

नेवा: अनलाइन न्युज | २०७४ पौष २४, सोमबार १३:१०:५८

चीनय् वंगु दँ सन् २०१७ जःछि १ लख न्यय् गुद्वः व सच्छिम्हेसित भ्रष्टाचार विरुद्धया कारवाही याःगु दु ।

इमित पार्टीया आचारसंहिता उल्लंघन याःगु व भ्रष्टाचार याःगु अभियोगय् कारवाही याःगु चिनियाँ कम्युनिष्ट पार्टीया भ्रष्टाचार विरुद्धया केन्द्रीय निकायं जानकारी ब्यूगु दु ।

इपिं १ लख नीनिद्वः व सच्छिगू घटनाय् दुथ्याःगु व उपिमध्य पीच्याद्वः व न्हय्सःगू घटना गरिबी निवारणसम्बन्धी खः ।

आः नकतिनि जक पिथंगु छगू सर्वेक्षणं ९३.९ प्रतिशत जनता पार्टीया भ्रष्टाचार विरोधी ज्यापाखें सन्तुष्ट जूगु क्यनातःगु दु ।

थथे सन्तुष्ट जूपिनिगु मात्रा थ्वसिबें न्ह्यः सन् २०१२ स ७५ प्रतिशत थ्यंगु खः ।

Categorized in अन्तर्राष्ट्रिय