nepal life

चलचित्र कलाकार संघं नं फिल्म अवार्ड याइगु

नेवा: अनलाइन न्युज – विजयरत्न | २०७४ माघ २९, सोमबार १६:२१:१४

नेपाल चलचित्र कलाकार संघया ग्वसालय् जुइत्यंगु निक्वःगु फाएन फिल्म अवार्ड २०७३ थुगुसी चैत्र १६ गते जुइगु जूगु दु ।

थुगु सिरपाः ज्याझ्वःया बारे जानकारी बिइत ग्वसाः ग्वःगु पत्रकार सम्मेलनया झ्वलय् नेपाल विज्ञापन संघया रविन्द्रकुमार रिजालया नेतृत्वय् नीस्वंगु न्हूगु निर्वाचित कार्यसमितियात नं लसकुस यासें मतिनाया चिं लःल्हाःगु खः ।

आः वइगु चैत्रया १६ गते शुक्रवाःकुन्हु येँया त्रिभुवन आर्मी क्लबय् जुइगु निक्वःगु फाएन फिल्म अवार्ड २०७३ ज्याझ्वलय् बेस्ट फिल्म, बेस्ट डाइरेक्टर, बेस्ट एक्टर मिजं व बेस्ट एक्टर मिसा नापनापं यानाः मुक्कं २४ गू विधाय् सिरपाः बीगु खँ नं सोमवाः जूगु प्रेस मिटय् जानकारी ब्यूगु खः ।

सोमवाः जूगु प्रेस मिटय् नेपाल सरकारपाखें कलाकार संघया छम्ह दुजः वजय देउजायात चलचित्र विकास बोर्डया दुजः व छम्ह दुजःयात फिल्म सेन्टर बोर्डया दुजः नियुक्ति याःगुलिं लसता प्वंकूसें भिंतुना नं देछाःगु खः ।

Categorized in कला