nepal life

गणेशमान सिंह अध्ययन प्रतिष्ठानं गणेशमान लुमंकाः सम्मान देछात

नेवा: अनलाइन न्युज – विजयरत्न | २०७४ कार्तिक २४, शुक्रबार १७:०७:३६

नेपाली जनताया बलिदान व संघर्ष स्वरुप सफल शान्तिपूर्ण जनआन्दोलन २०४६ सालया सर्वोच्च कमाण्डर लौहपुरुष गणेशमान सिंहया १०२ क्वःगु जन्मजयन्तीया लसताय् वय्कःप्रति सम्मान प्वंकेगु कथं थौं शुक्रवाः छगू तःजिगु ज्याझ्वः जूगु दु ।

येँया भृकुटीमण्डप क्यबय् जूगु उगु ज्याझ्वःया ग्वसाः गणेशमानसिंह अध्ययन प्रतिष्ठानं याःगु खः । उगु ज्याझ्वलय् प्रतिष्ठानया मूछ्याञ्जे रेणुका जोशीं लसकुस यानादीगु खः ।

प्रधानमन्त्री शेरबहादुर देउवा मूपाहाँ कथं झाःगु उगु ज्याझ्वलय् संविधानविद् निलाम्बर आचार्य, प्रकाशमान सिंहपिन्सं थःथःगु नुगःखँ तयादीगु खः ।

ज्याझ्वलय् सभापतिया आसन ग्रहण ग्वसाः खलः गणेशमान सिंह अध्ययन प्रतिष्ठानया नायः नवीन्द्रराज जोशीं यानादीगु खः ।

उगु ज्याझ्वलय् नेपाली कांग्रेसया कार्यकर्ता व नेतापिं लिसें थीथी संघसंस्थाया व्यक्तित्वपिनिगु उपस्थिति दूगु खः ।

Categorized in राष्ट्रिय