nepal life

गणतन्त्र नेपालय् राष्ट्रपती , प्रधानमन्त्री पाखें जुजुया जय जयकार !

नेवा: अनलाइन न्युज – निश्चल | २०७४ पौष २७, बिहिबार १५:३७:४०

२०६३ सालया जन आन्दोलन लिपा गणतन्त्र वये धुंकाः मन्यायके धुंकुगु  पृथ्वी जयन्ती व राष्ट्रिय एकता दिवस थ्व दँ निसें हानं सरकारं न्यायेकुगु दु । थौं पुस २७ गते बिहीबाःया न्हिंयात  पृथ्वी नारायण शााहं नं राष्ट्रिय एकता याःगु न्हिं धकाः सार्बजनिक बिदा ब्यूसें तःजिक न्यायेकुगु दु । सिंहदरबारया पश्चिम गेट न्ह्यःने तयातःगु  पृथ्वीनारायण शाह शालिक वनाः राष्ट्रपती बिद्यादेबि भण्डारी,प्रधानमन्त्री शेर बहादुर देउवा , प्रधान सेनापती लिसें थीथी सरकारय् प्रतिनिधितय्सं स्वामा देछासें श्रदाभाव प्वंकुगु खः ।
गणतन्त्र नेपालय् थथे जुजुयात क्वःथला राष्ट्रपती , प्रधानमन्त्री जुपिन्सं थथे जुजुया जय जयकार याःगुलिं गणतन्त्र व प्रजातन्त्रया नितिं ल्वापिं जनतात अजू चाःगु दुसा जुजुबादी व अतिबादी हिन्दूत धाःसा लयलयताःगु दु ।