nepal life

ख्वपय् एनसेलया टावरय् तयातःगु बम निष्क्रिय यात सेनां

नेवा: अनलाइन न्युज | २०७४ फाल्गुण २, बुधबार १४:०७:१५

ख्वपया सल्लाघारीइ च्वंगु एनसेल टावरय् तयातःगु प्रेसरकुकर बम नेपाली सेनाया पुचलं निष्क्रिय याःगु दु ।

गार्मेन्ट दूगु छगू भवनया कःसिइ एनसेलया टावर तयातःगु खः । वहे कःसिइ शंकास्पद वस्तु लुयावये धुंकाः नेपाली सेनाया बम डिस्पोजल पुचः अन थ्यंकूगु खः ।

सेनाया पुचलं बोराय् प्याक यानातःगु प्रेसरकुकर बरामद याःगु खः ।

उगु भवनय् सुरक्षा गार्डपिं नं दूगु खः । तर, कःसिइ च्वंगु टावरतक थ्यंकाः गुकथं शंकास्पद वस्तु तल धैगु शंकास्पद जूगु प्रहरीं धाःगु दु ।

Categorized in दुर्घटना-अपराध