nepal life

ख्येँ ख्वला...आपालं ज्या वःनिसा !

नेवा: अनलाइन न्युज | २०७४ आषाढ ६, मंगलबार १६:१३:३८

ख्येँया फुक्क ब्वयात झीगु जीवनय् छ्यलाबुलाय् हयेफु । सीकादिसँ, छिगु नितिं ज्याख्यलय् वःगु ख्येँ ख्वलाया विषयस टिप्स ः

  • म्हगःया छुं ब्व बाय् छुं अंगय् ल्वाभःपाखें घाः जुल धाःसा मनाःतःगु ख्येँया झिल्लीयात घाः जूगु थासय् तयाँ तिकादिसँ, थुकी दूगु न्यूट्रिसिएट्सं आपालं फाइदा याइ ।
  • अथेहे, छेँय् ‘छुं’ आपालं हे दुःख बियाच्वंगु दुसा छुं वइगु लँपुइ ख्येँया ख्वलायात कुचाकुचा यानाः तयादिसँ, छुं वयेगु त्वःति ।
  • फोहोर व हाकूगु थलबलयात साबुं व लखय् ख्येँ ख्वलाया पाउडर ल्वाकछ्वानाः सिलादिसँ । छिगु थलबल सफा व चम्चम् चम्के जुइ ।
  • तरकारी बाय् सिसाबुसा (फलफूल)यात की थाइगु पाखें बचेयायेत ख्येँ ख्वलायात कुचाकुचा यानाः तरकारी व सिसाबुसाया लिक्क तयादिसँ । थुकिं सदां की थाइगुपाखें बचे याइ ।
  • ख्येँया ख्वलां ख्वालय् चमक हयेगु नं ज्या याइ । ख्येँ ख्वलाया पाउडरय् कुनू (घिउकुमारी)या जेल (लाः) ल्वाकछ्यानाः पेष्ट दयेकादिसँ, ख्वालय् पानादिसँ । १० निसें १५ मिनेट धुंकाः ख्वाः सिलादिसँ । ख्वालय् आपालं चमक वइ ।
  • ख्येँ ख्वलायात सिला पाउडर दयेकादिसँ । थुगु पाउडरयात चिकुलाया इलय् फेस प्याक दयेकाः ख्वालय्, थीथी म्हगलय् पानादिसँ । छिगु म्हगःया छ्यंगु अतिकं नरम जुइ ।