nepal life

खोनाय् द्वादस साहित्य गोष्ठी क्वचाल (किपाः स्वयादिसँ)

नेवा: अनलाइन न्युज | २०७४ माघ २८, आइतबार १२:५५:५३

शनिवाः नःलि साहित्य दबूया ग्वसालय् लिधंसा पासा पुचः या ग्वाहालिइ साहित्यिक गोष्ठी व नेवाः व्यक्तित्व हना ज्याझ्वः यलया खोनाय् क्वचाल ।

द्वादस साहित्य गोष्ठी व नेवाः व्यक्ति हना ज्याझ्वः नामं न्ह्याःगु उगु ज्याझ्वःया मूपाहाँ कथं यल महानगरपालिकाया मेयर झायादीगु खः ।

अथेहे, पाहाँ कथं खोनाया समाजसेवी देवबहादुर डंगोल, नःलि साहित्य दबूया नायः नरेशवीर शाक्य, लिपि गुथिया कजि अनिलरत्न स्थापित लिसें थीथी व्यक्तिपिं झाःगु खः ।

नेवाः ख्यलय् थीथी कथं ज्या यानादीपिन्त हनेगु ज्या जूगु उगु ज्याझ्वलय् खोनाया समाजसेवी देवबहादुर डंगोल, बष्ठि काटुनिष्ट मोहन श्याम खोकनायात लिसें लिपि गुथिया कजि अनिलरत्न स्थापित व राजेन्द्र शाक्ययात हनेगु ज्या याःगु खः ।

उगु ज्याझ्वलय् थीथी साहित्यकारपिन्सं नेपालभाषा साहित्यया थीथी विधानिसें चिनाखँ ब्वनाः न्यंकूगु खः । 

उगु ज्याझ्वलय् चित्तापुर गन्धकुट विहारय भजन मण्डलं बसन्त म्ये हालाः ज्याझ्वलय् लसकुस देछाःगु खः ।

–इन्द्रमान महर्जन, मैतिदेवी

Categorized in नेवाः