nepal life

क्यू एफ एक्सया मेनेजर बसन्त मानन्धर मन्त

नेवा: अनलाइन न्युज – विजयरत्न | २०७४ भाद्र २८, बुधबार १८:२७:४२

नेपाःया सिनेमा हलया ख्यलय् हिउपाः हयेत ताःलाःगु क्यू एफ एक्सया छम्ह मेनेजर बसन्त मानन्धर मंगलवाः मन्त ।

च्यान्हु झिन्हु न्ह्यःनिसें उसाँय् मदयाः वासः याकाच्वंम्ह बसन्त मानन्धरयात हाइ ब्लड प्रेसर, निमोनिया जूगु व लिपा वनाः स्वाइनफ्लू जूगु धकाः धाःगु खः ।

क्यू एफ एक्स संचालन जूसांनिसें मेनेजर जुयाः ज्या यानाः वयाच्वंम्ह बसन्त मानन्धर छम्ह तसकं हे मिलनसारम्ह मनू खःसा कुशल व्यवस्थापक नं खः ।

मदुम्ह मानन्धरया अबु मास्टर स्व. केशव मानन्धर नं थःगु ईया साप हे नांजाःम्ह व लोकंह्वाःम्ह हास्य कलाकार खःसा बसन्त मानन्धरया केहेँ रेखा मानन्धर नं महया ‘किपालुं लिनाच्वंम्ह मनू’ लिसें आपालं सिरियल म्हितूम्ह कलाकार खः ।

Categorized in कला