nepal life

किपूया सुरेन्द्र अमात्यया ‘हाम्रो यो जिन्दगी दुई दिने...’ चर्चाय् (भिडियो स्वयादिसँ)

नेवा: अनलाइन न्युज | २०७४ पौष २४, सोमबार १५:३४:२९

किपू नगरपालिका १ वडा बाघभैरब ह्वाकुँचा त्वाःया सुरेन्द्र अमात्यया देय् व जनताप्रति समर्पित म्येया म्यूजिक भिडियो ‘हाम्रो यो जिन्दगी दुई दिने घामछायाँ...’ थौंकन्हय् चर्चाय् वयाच्वंगु दु ।

उगु म्येय् स्वदेशय् हे च्वनाः कर्मशील ल्हाःया झिपतिं च्वलाः स्वदेशय् हे श्रम यानाः देश विकासय् बः बिइमाःगु व छुं नं शुभकर्म सितिकं छ्वयेमज्यूगु खँय् बः बियातःगु दु ।

अथेहे, थुगु हे म्येय् युवा शक्तिं देशया नितिं हे म्वायेमाःगु व देशया नितिं हे सीइमाःगु लिसें देश विकासय् पलाः न्ह्याकेत सकल युवावर्गयात सन्देश बियातःगु दु ।

थुगु म्येय् चर्चित नायिका पूर्णिमा लामां अभिनय यानादीगु दुसा म्येहालामि सुरेन्द्र अमात्यं हे अभिनय यानादीगु दु ।

मीरज लामाया संगीत व जोयल डंगोलया म्येग्वः दुथ्याःगु थुगु म्येया म्यूजिक भिडियो निर्देशन रोशनकुमार श्रेष्ठं यानादीगु दु ।

थुगु म्येसिबें न्ह्यः म्येहालामि सुरेन्द्र अमात्यया ‘कीर्तिपुरमा मोहनी लाउने चोभारको सल्लेरी वन...’ म्येया म्यूजिक भिडियो न्हापांगु म्यूजिक भिडियो खः ।

संगीत ख्यलय् जिवंकाछि समर्पित जुइगु कथं पलाः न्ह्याकाच्वनादीम्ह म्येहालामि सुरेन्द्र अमात्य न्यादँ न्ह्यःनिसें संगीत क्षेत्रय् निरन्तरता बियाः वयाच्वनादीम्ह नवोदित म्येहालामि खः ।

(थन क्लीक यानाः सुरेन्द्र अमात्यया म्यूजिक भिडियो स्वयादिसँ)

-रिदेन महर्जन, किपू

Categorized in कला