nepal life

किपूया पांगाय् बामगठबन्धनया ज्याकुथिइ बम

नेवा: अनलाइन न्युज | २०७४ मङ्सिर १९, मंगलबार १०:४४:००

क्षेत्र १० प्रदेश ३ ‘क’या बामगठबन्धनया उम्मेदवार दिलीप महर्जनया छेँय् नं बम

मंसीर २१ गते जुइगु निक्वःगु चरणया प्रतिनिनिसभा व प्रदेशसभाया निर्वाचनया प्रचारप्रसार यायेगु ई क्वचायेधुंकाः व मौन इलय् किपूया पांगाया खाःच्वय् च्वंगु बामगठबन्धनया पार्टी ज्याकुथिइ बम लुयावःगु दु ।

बम सुनां तःगु व छु आज्जुं तःगु धैगु खँ सीमदुनि । उगु बम सेनाया बम डिस्पोजल पुचलं निस्क्रिय याःगु जानकारी वःगु दु ।

अथेहे, क्षेत्र नम्बर १० प्रदेश नम्बर ३ या प्रदेशसभा ‘क’या बामगठबन्धनया उम्मेदवार किपू पांगाया दिलीप महर्जनया छेँय् नं थनिं प्यन्हु न्ह्यः निगः बम तयातःगु खःसा निस्क्रिय यायेगु झ्वलय् छगः बम मूगु खः ।

उगु बम मूसां नं छुं मानवीय व भौतिक क्षति मजूगु खः ।

थुगु निर्वाचनया झ्वलय् स्वनिगः दुने किपू लागाय् दकले न्हापां बम लूगु धैगु हे किपूया पांगाय् हे खः ।

Categorized in दुर्घटना-अपराध