nepal life

किपुली ‘कीर्तिपुर दर्पण’ १५ दँय् च्वन, माघ ४ गते तःजिगु ज्याझ्वः जुइगु

नेवा: अनलाइन न्युज – ललेन्द्र शाक्य | २०७४ पौष २५, मंगलबार ११:५५:३०

ऐतिहासिक नगर किपू लागां मद्दिक्क पिदनाच्वंगु खस नेपाली भाषाया वाःपौ कीर्तिपुर दर्पण पलिस्था जूगु थनि १५ दँय् च्वंगु दु ।

देवराज महर्जन प्रकाशक व सम्पादक जुयाः पिदनाच्वंगु उगु वाःपौ पिदंगु १५ दँ क्यंगु लसताय् छगू तःजिगु ज्याझ्वः जुइगु जूगु दु ।

वइगु माघ ४ गते बिहिवाः किपूया पांगाय् च्वंगु जनसेवा माध्यमिक विद्यालयस सुथसिया ११ ता इलय् वाःपौ कीर्तिपुर दर्पण पलिस्था जूगु १५ दँय् च्वंगु लसताय् तःजिगु ज्याझ्वः जुइगु जानकारी कीर्तिपुर दर्पणया सम्पादक प्रकाशक भाजु देवराज महर्जनं बियादीगु दु ।

भाजु महर्जनं माघ ४ गते बिहिवाः जुइगु उगु ज्याझ्वलय् सकलसित सहभागिताया नितिं इनाप यानादीगु दु ।

Categorized in स्थानिय-समाज