nepal life

किपुली अन्तरराष्ट्रिय अपाङ्ग दिवस हन

नेवा: अनलाइन न्युज | २०७४ मङ्सिर २०, बुधबार १६:४८:१३

वंगु मंसीर १७ गते किपुली न्हापांगुखुसि मस्तिष्क पक्षघात दिवा सेवा केन्द्रया ग्वसालय् २६ क्वःगु अन्तरराष्ट्रिय अपाङ्ग दिवस २०१७ हंगु दु ।

मूपाहाँ कथं किपू नगरपालिकाया मेयर रमेश महर्जनपाखें रिवन चाना न्ह्याःगु ¥याली किपुली क्रियाशील अपाङ्गता सम्बन्धी संघसंस्थालिसें हिलाटाउन स्कूल, राराहिल स्कूल, पुष्पसदन स्कूल, इन्द्रायणी स्कूलया ब्वमिपिं व समाजसेवी बुद्धिजिवीपिनीगु आपालं ब्वति दूगु खः ।

किपूया पांगा वनेगु दुवातं निसें द्यः ध्वाखाया भलिवल ख्यलय् थ्यंकाः ¥याली क्वचाःगु खः । ज्याझ्वलय् वंगु निदँ न्ह्यःनिसें न्ह्याकाः वयाच्वंगु मस्तिष्क पक्षघात जूपिं मस्तय्गु नितिं दिवा सेवा केन्द्र किपूया उलेज्या याःगु खः ।

संघराम महर्जनया नायोसुइ न्ह्याःगु उगु ज्याझ्वलय् विशेष पाहाँ कथं मस्तिष्क पक्षघात स्वावलम्बन समूह (क्न्ऋए) धापाख्यःया कार्यकारी अधिकृत विमललाल श्रेष्ठ, संरक्षकया नितिं संरक्षण ज्याझ्वःया संस्थापक अनिल पटेल, डा. रामकृष्ण महर्जन, स्पेशल ओलम्पिकया राष्ट्रिय प्रशिक्षक श्री प्रदीप महर्जन, शारीरिक अपाङ्ग प्रतिनिधि ः बालक कृष्ण गैह्रे, शारीरिक अपाङ्ग डा. गोबिन्द, लिसें किपू नगरपालकाया उपमेयर सरस्वती खड्का झायादीगु खःसा वय्कःपिन्सं भिंतुना देछनादीगु खः ।

–रीदेन महर्जन, किपू

Categorized in राष्ट्रिय