nepal life

का स्वयादिसँ बुदिँया भिंतुना म्ये कासा

नेवा: अनलाइन न्युज | २०७४ पौष २४, सोमबार १२:३४:४३

संगीतकःमिलिसें संचारकःमि सुरजवीर बज्राचार्यं सामाजिक सञ्जाल फेसबुक व यूट्यूबपाखें नेपालभाषाया संगीत ख्यलय् न्हूगु आयाम हयाब्यूगु दु ।
भाजु बज्राचार्यया उगु न्हूगु आयाम पेजथ्री बाःछिपौया ग्वसालय् चेज बुदिंया भिंतुना कभर सङ्ग कम्पिटिशन सामाजिक सञ्जा फेसबुक व यूट्यूबय् लोकं ह्वानाच्वंगु दु ।
वंगु पुस १ गतेनिसें न्ह्याःगु उगु कासाय् आःतक ३८ म्ह न्हूपिं म्येहालामिपिन्सं ब्वति कायेधुंकूगु दु ।

मंगल धूनया लसय् जुगल डंगोलया संगीत संयोजन व म्येग्वःलिसें सः सुरजबीर बज्राचार्यया सलय् ‘लय्ता जि अति छंगु जन्मदिं थौं मनतुंगु पूवनेमाः भिंतुना।।।’ म्ये खः ।
उगु हे लय् व म्येग्वलय् म्ये हालाः फेसबुक व यूट्युबपाखें प्रसारण यायेगु कथंया थुगु ज्याझ्वः खः । आःतक दकले कम उमेरया न्हूम्ह म्येहालामि कथं पत्रकार विगेन तुलाधरया काय् विधान तुलाधर खनेदूगु दुसा स्वयं पत्रकार तुलाधरं नं थुगु कासाय् ब्वति कयादीगु दु ।
संगीतकःमि सुरजबीर बज्राचार्यं नेवा अनलाइन न्यूजलिसे खँ ल्हासें थुगु अभियानं यानाः नेपालभाषाय् न्हूपिं म्येहालामिपिं ब्वलनीगु विश्वास प्वंकादीगु दुसा वय्कलं थःपिन्सं न्हापां थ्व म्ये हालाः फेसबुकय् पोष्ट यानागु व छुं ई लिपा छम्ह निम्हेस्यां थ्व म्ये हालाः तःगु खनेवं थथे म्येकासा यायेगु विचाः वःगु खँ नं कनादीगु दु ।
कासाया नियम कथं थ्वहे वइगु माघ ८ गतेतकया दुने फेसबुकपाखें पोष्ट जूपिं म्येहालामिपिं मध्ये छम्ह बांलाःम्ह म्येहालामि घोषणा यायेगुया लिसें न्याम्ह मेपिं बांलाःपिं म्येहालामिपिं ल्ययेगु व फेसबुकय् दकले अप्वः भिअर्स दुम्हेसित चेज टिभी लःल्हायेगु खँ कनादिसें बांलाःम्ह छम्ह म्येहालामियात छगः टिभि व छगू एल्बम रिकर्ड यानाः पिथनेगु ग्वसाः दूगु खँ नं कनादिल ।

 

(थन क्लीक यानाः भिंतुना बुदिं म्ये स्वयादिसँ )

Categorized in कला