nepal life

कार व ट्रक ल्वानाः झिम्ह मनू सित

नेवा: अनलाइन न्युज | २०७४ कार्तिक २१, मंगलबार ११:२४:१४

काजकिस्तानया दक्षिणी क्षेत्रय् जूगु सतक दुर्घटनाय् कम्ती नं झिम्ह मनूत सीगु दु ।

सम्बन्धित ज्याकुथिं सामवाः उगु जानकारी ब्यूगु खः । जलालाबाद सहरया विसकेक ओस राजमार्गय् ट्रक व कार थःथवय् ल्वानाः उगु दुर्घटना जूगु जानकारी ब्यूगु दु । सोमवाः बहनी जूगु उगु घटनाय् प्यम्ह मिजं, स्वम्ह मिसा व छम्ह खुला दुम्ह मचा सीगु सतक विभागया अधिकारीं जानकारी ब्यूगु खः ।

घाःपाः जूपिंमध्ये निम्ह मनूत अस्पतालय् सीधुंकाः सीपिनिगु ल्याः झिम्ह थ्यंगु खः । ट्रक चालकया लापरवाहीया हुनिं उगु घटना जूगु धाःगु दु ।

Categorized in अन्तर्राष्ट्रिय