nepal life

कारवाही यायेगु प्रतिबद्धता ब्यूम्ह मन्त्रीं हे बिल उन्मुक्ति

नेवा: अनलाइन न्युज | २०७४ आश्विन १०, मंगलबार १३:४९:११

उपभोक्तापिन्त ठगी याःगु द्वपनय् २० दिं न्ह्यः सिल याःगु दरबारमार्गया थीथी व्यावसायिक फर्मयात बिना कारवाही त्वःतूगु धासें उपभोक्तावादीं विरोध प्वंकूगु दु ।

मन्त्री व मन्त्री लिक्क लाःपिं मनुखं चलखेल यानाः ब्यावसायिक फर्मयात उन्मुक्ति ब्यूगु इमिगु द्वपं खः ।

आपूर्ति मन्त्री शिवकुमार मण्डल व आपूर्ति व्यवस्था विभागया महानिर्देशक कुमार दाहारया पुचलं २० दिं न्ह्यः अनुगमन याःबलय् उपभोक्तापिन्त ठगी याःगु लुइके धुंकाः उगु फर्मयात सिल याःगु खः ।

मन्त्री मण्डलं उगु फर्मयात कालोबजारी ऐन अन्तर्गत कारवाही यायेगु प्रतिबद्धता प्वंकूसां नं कारवाही हे मयाःसे सोमवाःनिसें संचालन यायेत निर्देशन बयूगु खः ।

(थौं ने.सं. ११३७ असोज १० गते मंगलवाः अन्नपूर्ण पोष्टय् पिदंगु बुखँ)

Categorized in पत्रपत्रिका