nepal life

काभ्रेय् प्रहरी व स्थानीय दथुइ ल्वापु, ६ सेल अश्रुग्या प्रहार

नेवा: अनलाइन न्युज | २०७४ पौष १८, मंगलबार १३:४०:४६

वीपी राजमार्ग अन्तर्गत काभ्रेया धौख्यः नगरपालिका पात्लेखेतय् स्थानीयबासीं अवरुद्ध याःगु सतक प्रहरीं बल छ्यलाः चायेकूगु दु । सतक चायेकेत प्रहरीयात ६ सेल अश्रुग्यास त्वतेमाःगु खः ।

बा३ख ५९५५ ल्याःया बसं कुतुंवनाः नमोबुद्ध नगरपालिका १ या फुलमाया तामाङया आइतवाः ज्यान वनेधुंकाः तामाङया थःथिति व स्थानीयबासिन्दां मंगलवाः सुथंनिसें हे सतक अवरुद्ध याःगु खः । सतक चायेकेगु झ्वलय् प्रहरी व स्थानीय बासिन्दा दथुइ छुं ई ल्वापु तकं जूगु खः ।

स्थिति नियन्त्रणय् कायेत ६ सेल अश्रुग्यास छ्यलेमाःगु जिल्ला प्रहरी ज्याकुथि काभ्रेया प्रमुख सहकुल बहादुर थापां जानकारी बियादीगु खः ।

Categorized in दुर्घटना-अपराध