nepal life

कम्प्युटर रिफ्रेसं कम्प्युटर फास्ट चले जुइमखु !

२०७४ आषाढ २८, बुधबार १३:२५:१६

छु छिके नं डेस्कटप बाय् ल्यापटप चायेके खतं रिफ्रेस यायेगु बानी दु ला ? आपालं मनूतय्गु बानी दु कि माउसयात राइट क्लिक यानाः टिकटिक रिफ्रेस यानाच्वंनेगु ।

गुलिं गुलिसिनं ला मद्दिक्क थथे याइ । तर, छु छिं गुबलें सोचे यानादियागु दु ला थथे रिफ्रेस यायेबलय् कम्प्युटरय् लिच्व ः लाइ कि मलाइ ?

छगू अध्ययन कथं, हरेक १० म्हमध्ये ९ म्ह विन्डोज छ्यलाबुला याइपिन्सं आपालं हे कम्प्युटर रिफ्रेस यानाच्वनी । धाइ, फुक्क विन्डोज छ्यलाबुला याइपिनिगु दथुइ रिफ्रेस ज्या हे कम्प्युटरया दकले म.काः विशेषता जुइ व जुयाच्वंगु दु ।

गबलें गबलें ला कम्प्युटर ह्यांग जुयाः रिफ्रेस यायेत आवश्यक जुइगुलिं हे रिफ्रेस याइ । तर आपालं मनूत थथे जुइ गुम्हेस्यां रिफ्रेस याःसा छु जुइ ? धैगु मस्यूसां नं रिफ्रेस याना तुं च्वनी ।

गुलिस्यां ला लिक्क च्वनाच्वंम्ह मेपिं मनुखं रिफ्रेस यानाच्वंगु खनाः थःम्हं नं अथेहे याइ । गुलिख मनुखं सोचे याइ कि रिफ्रेस यायेबलय् कम्प्युटरया ¥याम रिफ्रेस जुइ व गुलिंसित जुइ थुकिं कम्प्युटर फास्ट चले जुइ ।

गुलिंस्यां ला कम्ती नं ३० सेकेण्डतक मद्दिक्क रिफ्रेस यानाच्वनी । आपालं मनूतसें बटन तियाः ताःहाकःगु ई रिफ्रेस यायेगु यानाच्वंगु खनेदु ।

रिफ्रेस यायेबलय् कम्प्युटरया डिस्प्लेस खनेदइगु आइकनत सनीगु बाहेक मेगु छुं नं जुइमखु । थुकिं ¥याम रिफ्रेस जुइमखु । डेस्कटप रिफ्रेस यायेबलय् कम्प्युटर फास्ट जुइ धैगु मखु । थुकिया छुं लिच्वः हे लाइमखु ।

आखिर रिफ्रेस टूलया ज्या छु खः ले ?

रिफ्रेस टूल धैगु डेस्कटपया आइकनयात रिडिस्प्ले यायेगु नितिं खः । गुबलें गुबले. ला छिं डेस्कटप आइकनय् हिलाबुला यानादी व थथे यायेबलय् आइकनत तत्काल खनेदइ मखु । थुज्वःगु इलय् जब रिफ्रेस यानादी उबले फुक्क आइकन डेस्कटपय् खनेदइ ।

यदि छिगु डेस्कटपय् फुक्क आइकन दुसा छिसं उकियात अल्फाबेटिकल्ली सेट यायेफइ । सेट यायेधुंकाः यदि छुं न्हूगु आइकन थप यानादिल धाःसा उगु आइकन दकले क्वय् च्वनी । थुज्वःगु इलय् जब छिं रिफ्रेस यानादी उबले न्हूगु आइकन नं अल्फाबेटिकल्ली कथं सेट जुइ । थ्व बाहेक रिफ्रेसया छुं ज्या मदु ।

मनूतसें मद्दिक्क छाय् रिफ्रेस याइ ?

विन्डोज क्लबया कथं अप्व: रिफ्रेस यायेगु आदत दुपिं मनूत कम्पल्सिभ डिसअर्डर नांया समस्यापाखें पीडित जूम्ह जुइ ।

थ्व आनीबानी आम मनुतय्के जक मखु कम्प्युटर इन्जिनियरतय्के नं दइ । गुलिखे इन्जिनियरपिं नं एफ फाइभ बटनय् मोहित जुइ । विन्डोज क्लबया कथं रिफ्रेस यायेगु थ्व खँ बुझे जुइगुया कमी बाहेक मेगु छुं मखु । उकिं थ्व आदत त्वःतेमाःगु आवश्यक जुइ ।

यदि छिके नं कम्प्युटर रिफ्रेस यानाच्वनेगु बानी बाय् अन्धविश्वासपाखें ग्रस्त जुयादियागु दुसा निश्चिन्त जुयाः उकियात बन्द यानादिसँ । रिफ्रेसं छिगु कम्प्युटर फास्ट याकीगु मखु, ई जक बर्बाद यानाच्वंगु जुइ ।

यदि मेपिन्त नं रिफ्रेस यानाच्वंगु छिं खंकादिलसा थुइका दिसँ कि थथे रिफ्रेस यानाः कम्प्युटर फास्ट जुइमखु धकाः ।

श्रोत ः बीबीसी