nepal life

ओलीं पार्टीया आकस्मिक बैठक सःतल

नेवा: अनलाइन न्युज | २०७४ फाल्गुण २, बुधबार १६:२७:५६

माओवादी केन्द्रलिसे पार्टी एकताया निर्णय यायेत एमाले नायः केपी शर्मा ओलीं आकस्मिक रुपं स्थायी कमिटी बैठक सःतूगु दु ।

पार्टी एकता संयोजन समतिया बैठक च्वनेन्ह्यः स्थायी कमिटीइ सहलह यायेत नेतातय्त सःतूगु खः । बैठक मानभवनय् जूगु खः ।

मानभवनय् च्वंगु ठेकेदार शारदाप्रसाद अधिकारीया छेँय् लिपांगु इलय् ओली व प्रचण्ड दथुइ वान टु वान सहलह जूगु खः ।

माओवादी नायः प्रचण्ड लिक्क लाःम्ह व्यवसायी अधिकारीया हे छेँय् एमालेया बैठक च्वंगु खः । संयोजन समितिया बैठक नं वहे थासय् च्वनीगु जूगुलिं एमालेया बैठकया नितिं नेतातय्त वहे थासय् सःतूगु स्रोतं जानकारी ब्यूगु दु ।

ओलीं थः व प्रचण्ड दथुइ जूगु सहमति पार्टीइ अनुमोदन याकेत्यंगु अनुमान याःगु दु ।

एमालेया बैठक न्ह्यः ओली व प्रचण्ड दथुइ उगु हे छेँय् बैठक जूगु खः ।

Categorized in राजनीति