nepal life

एमालें केपी ओलीयात प्रधानमन्त्री दयेकेगु निर्णय

नेवा: अनलाइन न्युज | २०७४ फाल्गुण २, बुधबार १६:३७:२१

नेकपा एमालें पार्टी नायः केपी शर्मा ओलीयात प्रधानमन्त्रीया उम्मेदवार दयेकेगु निर्णय याःगु दु ।

स्थायी कमिटीया बुधवाः च्वंगु बैठकं ओलीयात प्रधानमन्त्रीया उम्मेदवारया रुपं न्ह्यःने हःगु खः ।

निर्वाचन आयोगं प्रतिनिधिसभा निर्वाचनया लिच्वः लःल्हाये धुंकाः माओवादी केन्द्रलिसे जानाः सरकार नीस्वनेगु दाबी याइगु छ्याञ्जे गोकर्ण विष्टं धयादीगु दु ।

प्रतिनिधिसभाया समानुपातिकपाखे विजयी जूपिं सांसदपिन्सं सपथ हे नयेगु ल्यं दनिगुलिं दलया नेता ल्यये ल्यं दनि ।

तर, एमाले व माओवादी केन्द्रया शीर्ष नेतृत्व दथुइ ओलीया नेतृत्वय् सरकार नीस्वनेत दाबी पेश यायेगु सहमति जूगु खः ।

२७५ म्ह दुजःया प्रतिनिधिसभाय् एमाले व माओवादीया प्रष्ट बहुमत दु । एमालेया १२१ व माओवादी केन्द्रया ५३ म्ह सांसद दु ।

Categorized in राजनीति