nepal life

एड्स बारे जनचेतना ब्वलंकेत म्यूजिक कन्सर्ट याइगु

नेवा: अनलाइन न्युज | २०७४ माघ २९, सोमबार १०:५४:३५

एड्रिन प्रधानया विशेष म्यूजिक कन्सर्ट ख्वपय् जुइगु

अन्तर्राष्ट्रिय कण्डम दिवसया लसताय् लाकाः फागुन १ गते अर्थात् फेब्रुअरी १३ तारिखया दिं विश्वया ४० गू देसय् म्यूजिक कन्सर्ट जुइगु जूगु दु ।

एड्स हेल्थकेयर फाउण्डेशनया आर्थिक ग्वाहालिइ विश्वया ४० गू देसय् छन्हुं हे जुइगु म्यूजिक कन्सर्टमध्ये नेपालय् ‘सुरुवात’ नांया संस्थां ख्वपय् उगु कन्सर्ट यायेत्यंगु खः ।

उगु कन्सर्ट ख्वप दरबार लागाय् च्वंगु पद्म माध्यमिक विद्यालय परिसरय् जुइगु संस्थां जानकारी ब्यूगु दु । सुरुवातं स्थानीय सांगितिक समूहलिसें युवापिनिगु आकर्षण नांजाःम्ह पपगायक एड्रिन प्रधानया विशेष म्यूजिक कन्सर्ट याइगु जूगु दु ।

संस्थाया नायः राजेन्द्र पुरीं असुरक्षित शारीरिक स्वापू तइगु हुनिं युवातय्के एचआइभी संक्रमण अप्वःगुलिं कण्डमया छ्यलाबुला यायेगु बानी विकास यायेत सांगितिक ज्याझ्वःपाखें जनचेतना ब्वलंके त्यनागु जानकारी बियादिल ।

सांगितिक ज्याझ्वःपाखें युवापिन्त कण्डमबारे जनचेतना अभिवृद्धि यासें एचआइभी एड्स, हेपाटाइसिसथें जाःगु प्राणघातक संक्रमण जुइके मबिइगु संस्थाया आज्जु दूगु वय्कः पुरीया धापू खः ।

संस्थाया निर्देशक राजेश दिदियां एड्रिन प्रधानया कन्सर्टलिसें ख्वपया तौमधि त्वालंनिसें दरबार क्षेत्रतक कण्डम ¥याली जुइगु जानकारी बियादिल । उगु ¥यालीया झ्वलय् निःशुल्क एचआइभी जाँच यायेगु वय्कलं धयादीगु दु ।

एएचएफ नेपालया आर्थिक ग्वाहालि व राष्ट्रिय एचआइभी एड्स महासंघ नेपाल (एनएपिएन) या राष्ट्रिय सञ्जाल अन्तर्गत उगु म्यूजिक कन्सर्ट जुइगु निर्देशक दिदियां जानकारी बियादीगु दु ।

Categorized in राष्ट्रिय