nepal life

एकीकृत बस्ती निर्माणया नितिं मेयर शाक्यं स्थलगत निरीक्षण याइगु

नेवा: अनलाइन न्युज – ललेन्द्र शाक्य | २०७४ कार्तिक २२, बुधबार १५:०४:१०

येँ महानगरपालिकाया मेयर विद्यासुन्दर शाक्यं याकनं हे तःभुखाय् लिपा न्ह्याकूगु एकीकृत वस्ती पुनःनिर्माण अभियानया पाइलट प्रोजेक्ट येँया १८ वडा दुम्बो चुक एकीकृत बस्तीया ज्या न्ह्याकेगु नितिं येँ महानगरपालिकाया मेयर विद्यासुन्दर शाक्यं स्थलगत निरीक्षण याइगु जूगु दु ।

थौं बुधवाः येँ महानगरपालिकाया मेयरया ज्याकुथिइ जूगु एकीकृत बस्ती पुनःनिर्माण अभियानया दुजःपिं लिसे खँ ल्हासें वय्कलं थथे थुगु वाः दुने स्थलगत निरीक्षण व येँ महानगरपालिकां नीस्वनातःगु एकीकृत बस्तीया उपसमितिया बैठक सःतेगु जानकारी बियादीगु खः ।

तःभुखाय् लिपा नेवाः बस्तीया म्हसीका ल्यंकातयेगु लिसें नेवाः बस्तीया विकास यायेगु नितिं दुम्बो चुकय् एकीकृत बस्ती निर्माण यायेगु ज्या एकीकृत बस्ती पुनःनिर्माण अभियान नीस्वनाः ज्या न्ह्याकाः वयाच्वंगु खः ।

येँ महानगरपालिकां थुगु अभियान न्ह्याकेगु नितिं भूकम्प प्रविधि नेपाल समाजया ग्वाहालिं सर्वे यायेगु ज्या क्वचायेके धुंकूगु दु ।

Categorized in स्थानिय-समाज