nepal life

उत्तर कोरिया संकट समाधान सम्भव

नेवा: अनलाइन न्युज | २०७४ कार्तिक २३, बिहिबार १४:४३:४९

अमेरिकी राष्ट्रपति डोनाल्ड ट्रम्पं वय्कःया चिनियाँ समकक्षी सि जिनपिङलिसे उत्तर कोरिया बारे सहलह ब्याकूगु जानकारी ब्यूगु दु ।

सि जिनपिङ व थःम्हं समाधान सम्भव जूगु विश्वास याःगु राष्ट्रपति ट्रम्पं धाःगु दु । वय्कलं द ग्रेट हल अफ द पिपुलय् चिनियाँ राष्ट्रपतिलिसे नापलाये धुंकाः न्वःवानादीगु खः । वय्कलं अमेरिका व चीन दथुया व्यापार निगुलिं देसया नितिं सन्तुलित यायेगु धाःगु खः ।

वय्कलं न्हापाया अमेरिकी प्रशासनं व्यापारय् चिनियाँ ल्हाः च्वय् लाकेब्यूगु धासें आलोचना याःगु खः ।

ब्यागलं समारोहस निम्ह नेतात अरबौं डलया रणनीतिक औद्योगिक सहकार्याया दस्ताबेजय् ल्हाःचिंया साक्षी जुयादीगु खः ।

राष्ट्रपति सि जिनपिङं अमेरिकी राष्ट्रपति डोनाल्ड ट्रम्पया सम्मानय् राजकीय बेलि भ्वय् ग्वसाः ग्वःगु खः ।

बेइजिङया ग्रेट हल अफ द पिपल थ्यंबलय् निम्ह नेतापिन्त चिनियाँ सेनां सम्मान प्वंकूगु खः ।

Categorized in अन्तर्राष्ट्रिय