nepal life

इरान व इराकय् तःभुखाय् ब्वल, कुवेत व युएईतक धक्का

नेवा: अनलाइन न्युज | २०७४ कार्तिक २७, सोमबार ०९:४७:५५

इरान व इराकय् सोमवाः तःभुखाय् ब्वःगु दु । स्थानीय ईकथं बहनी ९ः१८ ता ई नेपाली ईकथं चान्हय् १२ः०३ ता इलय् ७.३ रेक्टर स्केलया तःभुखाय् ब्वःगु भुखाय् सम्बन्धी अध्ययन याइगु अमेरिकी र्भागर्भिक विभाग युनाइटेड स्टेट्स जिओलोजिक सर्भे युएसजीएसं जानकारीं ब्यूगु दु ।

इराक व इरानया सीमा क्षेत्र हलाब्जा सहरया दक्षिणी भूभागयात केन्द्र दयेकाः ब्वःगु उगु भुखाचं राजधानी बग्दादलिसें थीथी क्षेत्रय् तच्वकं कम्पन महसुस याःगु जानकारी वःगु दु ।

भुखाय्या धक्का कुवेत, युएईया थीथी लागाय् तकं महसुस जूगु स्थानीय समाचार संस्थातसें जानकारी ब्यूगु दु ।

कुवेत व युएई दुने वैदेशिक रोजगारीया नितिं तःधंगु ल्याखय् नेपाःमिपिं वनाच्वंगु दु ।

उगु भुखाचय् लानाः १३० म्ह मल्याक मनूत सीगु द्वःछिं मल्याक्क मनूत घाःपाः जूगु व आपालं मनूत तनाच्वंगु जानकारी ब्यूगु दु ।

Categorized in अन्तर्राष्ट्रिय