nepal life

इभरेष्ट प्रिमियर लिग

नेवा: अनलाइन न्युज | २०७४ मङ्सिर १४, बिहिबार १७:१०:०३

सर्वाधिक सिरपाः राशिया एभरेष्ट प्रिमियर लिग (इपिएल) क्रिकेट धेंधेंबल्लाया कासा तालिका थौं बिहिवाः सार्वजनिक जूगु दु ।

कासा तालिका धकं वइगु पुस ३ निसें १५ गतेतक न्ह्याइगु उगु धेंधेंबल्लाया कासा किपूया त्रिविया अन्तर्राष्ट्रिय क्रिकेट मैदानय् जुइगु जूगु दु ।

धेंधेंबल्लाया उलेज्या कासाय् काठमाडौं किंग्स इलेभेन व ललितपुर पाट्रिओट्स दथुइ भिडन्त जुइगु जानकारी ब्यूगु दु ।

उगु कासाय् खुगू पुचलं धेंधेंबल्ला याइगु जानकारी नं ब्यूगु दु । काठमाडौं किंग्स इलेभेन, ललितपुर पाट्रिओट्स, विराटनगरया वारियर्स, भैरहवाया ग्लाडिएटर, पोखराया राइनोज व चितवनया टाइगर्स पुचः सहभागी जुइगु जूगु दु ।

कासाय् विजेता पुचलं २१ लख तका दां सिरपाः कथं कायेखनी, गुगु नेपाली क्रिकेटया इतिहासय् सर्वाधिक सिरपाः राशि खः । थ्वसिबें न्ह्यः प्रधानमन्त्री कपया विजेतां २० लख तका दां सिरपाः काःगु खः ।

Categorized in कासा