नेवा: अनलाइन न्युज | २०७३ आश्विन १२, बुधबार १४:१०:१५

सन् १९९४ स पेरेजं नोवेल शान्ति पुरस्कार मेपिं निम्ह नेतालिसें मंकाः रुपं कयादीगु खः ।

इजरेली पूर्व राष्ट्रपति व प्रधानमन्त्री शिमोन पेरेजया ९३ दँया उमेरय् मन्त । निवाः न्ह्यः मस्तिष्कघात जुइधुंकाः वय्कः तच्वकं विरामी जुयादीगु खः ।

पेरेज निक्वःतक प्रधानमन्त्री व छक्वः राष्ट्रपति जुयादीगु खः । सन् १९४८ स न्हूगु मुलुकया रुपं इजरेलया जन्म जूगु खंम्ह इजरेली राजनीतिज्ञपिनिगु पुस्ताया लिपांम्ह नेतामध्ये पेरेज नं छम्ह खः ।

पेरेजयात इजरेलया गोप्य पारमाणविक ज्याझ्वःया निर्माता कथं कयातःगु दु । वय्कलं प्यालेस्टिनीपिंलिसे शान्ति सम्झौताया नितिं भूमिका निर्वाह याःगु धासें सन् १९९४ स नोवेल शान्ति पुरस्कार पेरेजयात लःल्हाःगु खः ।

पेरेजं उगु प्रतिष्ठित पुरस्कार उगु ईया इजरेली प्रधानमन्त्री यित्ज्याक राबिन व प्यालेस्टिनी नेता यासेर अराफतलिसे मंकाः रुपं कयादीगु खः ।

जीवनया उत्तराद्र्धपाखे नं पेरेज सक्रिय जुयादीगु खः । वय्कलं खास यानाः थःगु गैरसरकारी संस्था ‘पेरेज सेन्टर फर पिस’ पाखें इजरेली व प्यालेस्टिनीदथुइ लिक्कया सम्बन्ध दयेकेत भूमिका निर्वाह यानादीगु खः ।

Categorized in अन्तर्राष्ट्रिय