nepal life

आपूर्तिमन्त्री मण्डलया म्ह्याय् नं लाकां न्यायेत्यंबलय् ब्यापारीपिनिगु विजोग !

नेवा: अनलाइन न्युज | २०७४ कार्तिक २१, मंगलबार ११:१३:१८

दंक न्यानाः थिकेगु भावं सामान म्यूगु द्वपनय् प्रहरीं येँया दरबारमार्ग क्षेत्रया ब्रान्डेड पसःया कर्मचारीपिन्त गिरफ्तार यानाः अनुसन्धान न्ह्याकाच्वंगु दु । अनुसन्धानया झ्वलय् छुं रोचक तथ्यत लुयावःगु दु ।

उगु प्रकरणया सुरुवात तत्कालीन आपूर्तिमन्त्री शिवकुमार मण्डलया म्ह्याय् पाखें सुरु जूगु जुयाच्वन । मन्त्री मण्डलया म्ह्याय् लाकां न्यायेत दरबारमार्गय् च्वंगु बेन्टले थ्यंकूगु जुयाच्वन । वं अनया दकले थिकेगु लाकां ल्यःगु खः । आखिर मन्त्रीया म्ह्याय् ला जुल ।

दंगु लाकामय् गनं मिखा लाइ धकाः ? मन्त्री मण्डलया म्ह्याय् नं ल्यःगु लाकांया भाः न्यंबलय् २८,००० तका दां धाल । उगु लाकां न्यायेत वं थः अबु मन्त्री मण्डलयाके फ्वन । वधुंकाः मन्त्री मण्डल लाकांया भां न्यंबलय् अजूचाल ।

ब्राण्डेड लाकांया भाः वं मस्यू । वहे हुनिं दरबारमार्गय् अतिकं थिके जूगु तायेकाः मन्त्री मण्डलं थः स्वयम हे वयाः छापा मारेयाःगु रहस्य सीदूगु दु ।

गल्ती लुइकाः कारवाही यायेगु सिबें नं दुःख बिइगु नियतं मन्त्री मण्डलं छापामारे याःगु धासें व्यवसायीपिन्सं उकिया विरोध यानाच्वंगु दु ।

अनुसन्धान आबद्ध छम्ह अधिकारीया कथं मन्त्री मण्डलया म्ह्याय् नं थिकेगु लाकां न्यायेत्यंबलय् उकिया हे तमं मन्त्रीं दरबारमार्ग न्यंकया पसलय् छापा मारेयाःगु खँ सीदूगु दु ।

अनुसन्धानय् गोल चक्कर ः

महानगरीय प्रहरी परिसर येँपाखें मंगलवाः च्यागू पसःया झिम्ह प्रबन्धकपिन्त हिरासतय् तयाः अनुसन्धान यानाच्वंगु दु । गिरफ्तारय् लाःपिं ‘वाच एण्ड सि’ या राजेश्वर श्रेष्ठ, तिरुपती लिबर्टीया नन्द विहानी, लेवल्स स्टोर प्रा.लि.या जितेन्द्र महर्जन व सुवास महर्जन, एडभेन्चर आउटडोर गियर कम्पनीया रोशन ओडारी खः ।

(दृष्टि वाःपौपाखें)

Categorized in पत्रपत्रिका