nepal life

आन्दोलनं सिधयेकुगु न्हूपुखूया जिन्दगी

नेवा: अनलाइन न्युज | २०७४ माघ १७, बुधबार १६:२१:४३

–इन्द्रमान महर्जन

विरोध गबले जुइ सिउला छं ? धकाः म्हिगः तक्क सः थ्वयेकाः आन्दोलन यानाच्वंपिन्सं थौं वया उकिया नितिं ध्वाँय् छगू ब्वयेकेत स्वः ! न आन्दोलनया नितिं सः तःगु दु।

आन्दोलन ला यात छुकिया लागि ? कि मिडियाय् ख्वाः ब्वयेत जक खः ?

छु थुकिं यानाः झीगु सम्पदाया म्हसिका ल्यनिला ? धायेगु जक खः, ल्यनी ल्यनी धकाः । व ला आः वयाः आन्दोलन यायेगु निसे ख्वाः ब्वयेगु तरिका जक ख ।

हाकनं बैशाख १२ याथेँ तःधंगु भुखाय् ब्वलकि हाकनं दुना वइगु मेमेगु सम्पदायात कया नं थथे हे जुइतिनी ला ? अले छु हाकनं झी ल्वाना हे च्वनेगु ला झी सरकार व स्थानीय विज्ञ पक्षलिसे ?

गुलितक्क बाँलाःगु खँ खः, आः हाकनं थुकिया लागि छुं पहल मजूसा आन्दोलन सिधःगु न्हूपुखूया जिन्दगीथें जुइत बेर मदु !

स्वनिगःया मेमेगु सम्पदाया हालत नं ख्वपय् ला पुनःनिर्माणया न्ह्यानाच्वंगु दु, यलय् तयारी अवस्था दुने, येँ देय् ग्वले ?

अले छु स्वनिगःया ऐतिहासिक सम्पदाया इतिहास छु कापीया पाना जक जुइगु खः ला ? धकाः आःवया स्वनिगःया सकल बासिन्दापिन्सं न्हूपुखूया आन्दोलन लिपा न्ह्यसः थनाहःगु दु।

अथे खसा झी गन ? झीगु स्वनिगः गन ?

Categorized in बिचा: