nepal life

आखिरय् डिआइजी सिलवालं राजीनामा हे बिल

नेवा: अनलाइन न्युज | २०७४ भाद्र २८, बुधबार १०:१६:३३

‘प्रहरीयात राजनीति यायेगु बाय् राजनीतिक आधारय् प्रहरी परिचालन यायेगु दृष्टिकोण दतले कानूनी राज्य स्थापित जुइफइमखु ।’

प्रहरी नायब महानिरीक्षक (डिआइजी) नवराज सिलवालं पदपाखें राजीनामा बियादीगु दु ।

प्रहरी महानिरीक्षकय् नियुक्तिइ असन्तुष्टि प्वंकूसें सर्वोच्च अदालतं सिलवालं दायर याःगु रिट निवेदन खारेज जुइधुंकाः प्रेस विज्ञप्ति सार्वजनिक यानाः सिलवालं प्रहरी संगठनपाखें ब्यागलं च्वनेगु घोषणा यानादीगु खः ।

थः कानूनया रक्षकया रुपं प्रहरीइ ज्या यानागु तर कानूनी व राजनीतिक निर्णयपाखें थःत अन्याय जूगु न्ह्यथंसें सिलवालं सरकारं विश्वास मयाःसां ं जनता व जवानपिं दथुइ थःगु छबि कायम जूगु दाबी नं यानादीगु खः ।

वय्कलं धयादीगु दु, ‘प्रहरीयात राजनीति यायेगु बाय् राजनीतिक आधारय् प्रहरी परिचालन यायेगु दृष्टिकोण दतले कानूनी राज्य स्थापित जुइफइमखु ।’

Categorized in राजनीति