nepal life

आइफोन ८ व आइफो ८ प्लस मंसीर १ गतेनिसें नेपालय्

नेवा: अनलाइन न्युज | २०७४ कार्तिक ३०, बिहिबार १७:२५:४६

एप्पलया आइफोन ८ व आइफोन ८ प्लस मंसीर १ गतेनिसें नेपालय् नं न्यायेदइगु जूगु दु ।

नेपालय् एप्पलया आइफोन एप्पलया उत्पादनत (म्याकबुक्स, आइप्याड, आइम्याक) या छगू जक वितरक जेनरेशन नेक्स्ट कम्यूनिकेशनं आइफोन ८ व आइफोन ८ प्लस थ्वहे नोभेम्बर १७ तारिक मंसीर १ गतेनिसें नेपालय् सार्वजनिक याइगु जूगु खः । नेपाःया नितिं आधिकारिक वितरक जेनरेशन नेक्स्ट कम्यूनिकेशन प्रा.लिं. नेपालय् दँबदँनिसें नेपाली बजारय् एप्पलया उत्पादनत मिइगु ज्या यानाः वयाच्वंगु खः ।

आइफो ८ व आइफोन ८ प्लस नेपाली बजारय् ६४ जीबी व२५६ जीबी स्टारेजय् जक उपलब्ध जुइ धाःसा गोल्ड, सिल्भर व स्पेस ग्रे कलर अप्सनय् वइगु धाःगु दु । सक्कली भ्याटबिल कायेत व एप्पलया उत्पादनतय्के दच्छिया वारेन्टीया नितिं ग्राहकयात आधिकारिक च्यानलतपाखें जक न्यायेत कम्पनीं ग्राहकपिन्त इनाप याःगु दु ।

आइफोन ८ व आइफोन ८ प्लस आधिकारिक डिलरत इभो स्टोर, ओलीज, फ्युटर वर्ल्ड, आइस्टोर (राइजिङ मल) सिजी स्टोर (नक्साल) क्वालिटी कम्प्युटर (विर्तामोड), कम्प्युटर सेल्स सेन्टर (बुटवल), आरपीएल ग्रुप (विर्तामोड), न्यू एटुजेड मोबाइल हाउस (नारायणगढ) पाखें ग्राहकतसें न्याये फइगु कम्पनीं जानकारी ब्यूगु दु ।

एप्पलया छ्यलाबुला याइपिन्त न्यायेबलय् जेननेक्स्टया होलोग्राम बक्सय् स्वयेत व ग्राहकपिन्सं न्याःगु एप्पलया उत्पादनत आधिकारिक खः बाय् मखु धैगु सीकेगु नितिं ग्राहकं थःगु वेबसाइट लिंकय्  www.gnextcom.com/check-servive-tag य् वनाः एप्पल आइफोनया सिरियल नम्बर बाय् आईएमईआई नम्बर तयाः जाँच यायेत तकं आग्रह याःगु दु ।

Categorized in बजाः