nepal life

आः मदन भण्डारीया म्हगस पूवनीगु दिं वल ः प्रचण्ड

नेवा: अनलाइन न्युज | २०७४ कार्तिक २८, मंगलबार १३:२०:४५

माओवादी केन्द्रया नायः प्रचण्डं एमालेया तत्कालीन महासचिव मदन भण्डारीया म्हगस पूवनीगु दिं वःगु खँ धयादीगु दु ।

चुनावी अभियानया झ्वलय् मदन भण्डारीया सीम्ह लुयावःगु गाजीपुरय् च्वंगु मदनस्मृति उद्यानय् थ्यंकाः मंगलवाः प्रचण्डं मदन भण्डारीया स्मरण यासें भण्डारीं खंगु म्हगस आः पूवनी धकाः धयादीगु खः ।

बामगठबन्धनया मू आज्जु देसया तीव्र आर्थिक विकास व सुशासनपाखें समृद्धि हासिल यायेगु जूगु धयादिसें प्रचण्डं विकास व राष्ट्रया नेतृत्व यायेत थःगु उम्मेदवारी चितवनय् जूगु स्पष्ट यानादीगु खः ।

व्यापार, व्यवसाय यानाः जनतायात दांया प्रलोभनय् लाकेगु, जनतायात रैती कथं कायेगु, भोक, रोग व गरिबीयात राजनीति यासें जनता झुकेयाइपिनिगु बिरुद्ध खबरदारी यायेत जनसमुदाययात आग्रह यासें वय्कलं धयादी, “सुं सुं उम्मेदवार दांया बलय् जनतायात भ्रमित याइगु कासाय् दूगु खँ थःत जानकारी वःगु दु । इमिगु दां खोसे यानाः जनतायात इनेगु यायेमाः ।”

आःया न्यादँय् चितवन विकास व सभ्यताया दृष्टिं देसया हे नमूना जिल्ला दयेकातुं त्वःतेगु दृढता प्वंकादिसें प्रचण्डं विगतय् मजूगु ज्या थःम्हं योजनाबद्ध ढंगं यायेगु प्रतिबद्धता प्वंकादिल ।

Categorized in राजनीति