nepal life

अल्जेरियाय् स्वाईन फ्ल्यू ल्वचं २१ म्ह सित

नेवा: अनलाइन न्युज | २०७४ फाल्गुण २, बुधबार १२:११:३९

स्वाईन फ्ल्यूया नामं म्हस्यूगु ‘एचवानएनवान इन्फ्लयून्जा’या हुनिं अल्जेरियाय् २१ म्ह मनूत सीगु दु ।

उगु ल्वचं इमिगु ज्यान वंगु घटनाया स्थानीय सरकारी अधिकारीपिन्सं राज्यपाखें संचालित टेलिभिजनय् मंगलजाः पुष्टि याःगु खः ।

स्वास्थ्य मन्त्रालयया रोकथाम निर्देशक जामेल फौरारं ब्यूगु जानकारी कथं स्वाईन फ्ल्यूया संक्रमणपाखें सीपिं प्यदँनिसें ६५ दँ तकया नागरिकपिं लाःगु खः ।

वंगु डिसेम्बरय् स्वास्थ्य मन्त्री मोख्तर हास्बेल्लाउइं सुयात नं स्वाईन फ्ल्यूया संक्रमण जूगु स्वीकार यानामदीगु खः ।

तर जनवरीइ अल्जेरिया पास्चर इन्स्टिच्युटं स्वाईन फ्ल्यूया हुनिं ३५ म्हेसित लिच्वः लाःगु घोषणा याःगु खः ।

Categorized in अन्तर्राष्ट्रिय