nepal life

अरबी राजकुमारया ३१७ गू कोथा दूगु महल, १९ अर्ब डलरया मालिक

नेवा: अनलाइन न्युज | २०७४ कार्तिक २१, मंगलबार १६:०७:४७

साउदी अरबय् भ्रष्टाचारया द्वपनय् झिंछम्ह राजकुमारपिन्त गिरफ्तार याःगु खः । गिरफ्तार याःपिं राजकुमारपिं मध्ये दकले अप्वः चर्चा अलवलीद बिन तलालया जुयाच्वंगु दु ।

संसारया दकले धनीपिनिगु ल्याखय् ५० औं धलखय् लाःम्ह राजकुमार शार तलाल मिडिल ईस्टया दकले प्रभावशाली मनुखय् ल्यायेखायेगु याइ ।

खबर कथं राजकुमारया बिल गेट्स निसें कयाः माइकल ब्यूमबर्गतकया मनूतय्के बांलाःगु स्वापू दूगु खः । एप्पल, ट्विटर, सिटी ग्रुप, सेन्चुरी फक्स आदि लगायतया कम्पनीतय्के नं वया लगानी लानाच्वंगु दु ।

निजी जिन्दगीया विषयस खँ ल्हायेबलय् राजकुमार तलालं आःतक स्वक्वः ब्याहा यायेधुंकूगु दु । तर वया फुक्कलिसे छोडपत्र नं जुइधुंकूगु दु ।

छगू मिडिया रिपोर्ट कथं राजकुमार तलालया सम्पत्ति ११ अर्ब डलर दु । १९ अर्बया मालिक राजकुमार तलाल गबले सुथय् साइकल चलेयायेत पिने पिहाँ वनी उबले वयाके ३० म्ह बडिगार्ड नं पिहाँ वनी ।

राजकुमारयाके ५ के.आर. याटया राज्यभवन दु गुगु वं डोनाल्ड ट्रम्पयाके न्याःगु खः । उलि जक मजूसे राज्य भवन लुँया रंगया दु गुकी ३१७ गू कोथातय्गु महल लानाच्वंगु दु । थ्व बाहेक वया थःगु हे व्यक्तिगत जेट्स नं दु ।

Categorized in अन्तर्राष्ट्रिय