nepal life

अन्तर्राष्ट्रिय गोल्डमेडल तनहुँया छात्र विमलं त्याकल

नेवा: अनलाइन न्युज | २०७४ पौष १९, बुधबार १६:३३:३७

तनहुँया व्यास नगरपालिका १ ये च्वंगु निर्मल माध्यमिक विद्यालयस ब्वनाच्वंम्ह छात्र विमल थापां भारतया आन्द्रप्रदेशय् जूगु कराँते कासाय् पदक त्याकूगु दु ।

निर्मल माविइ गुुंगु तगिमय् ब्वनाच्वंम्ह विमल थापां सन् २०१७ या डिसेम्बर २३ व २४ य् ग्वसाः ग्वःगु गुक्वःगु अन्तर्राष्ट्रिय गोजु रेउ खुल्ला कराँते कासाय् पदक त्याकूगु खः ।

४५ केजीपाखे थापां गोल्डमेडल त्याकूगु खः । गुकी नेपाल, भारत, भुटान, श्रीलंका व बंगलादेशया कासामिपिं सहभागी जूगु खः ।

अन्तर्राष्ट्रिय कासाय् सहभागी जुयाः ४५ केजी समुहया कराँते फाइटिङय् गोल्डमेडल व काटा कराँतेय् सिल्भर मेडल त्याकेत ताःलाःम्ह विमल थापायात विद्यालयपाखें बधाई ब्यूगु दु ।

विद्यालयया प्रधानाध्यापक गणेशचन्द्र बस्नेतलिसें विद्यालयया मेपिं शिक्षकपिन्सं छात्र विमल थापायात बधाई ब्यूगु खः । थापां काःगु सफलतां मुक्कं विद्यालय परिवारयात हर्षित याःगु विद्यालयया प्रधानाध्यापक गणेशचन्द्र बस्नेतं नुगःखँ प्वंकादीगु दु ।

Categorized in कासा